కరివేపాకుతో జుట్టు పెరుగుతుందా?
కరివేపాకు ... భారతీయ వంటకాల్లో తప్పనిసరిగా ఉపయోగించే ఆకులు. ఇది కరివేపాకు మంచి సువాసన మరియు రుచిని కలిగి ఉంటుంది. కరివేపాకును కేవలం రుచి కోసమే వేస్తారనుకుంటే పొరపడినట్టే. దీనిలో కొన్ని ప్రత్యేకమైన ఔషధ గుణాలున్నాయి. కరివేపాకులో విటమిన్ A, విటమిన్ B, విటమిన్ C, విటమిన్ E తో పాటు కాల్షియం, ఫాస్పరస్, మెగ్నీషియం, రాగి, ఇనుము వంటి ఖనిజాలు కూడా ఉన్నాయి. అంతేకాక వీటిలో పీచు పదార్థాలు, కార్బోహైడ్రేట్లు, నికోటినిక్ యాసిడ్ మరియు యాంటీఆక్సిడెంట్స్ పుష్కలంగా ఉంటాయి. కాబట్టి కరివేపాకును ఆహారంలో వినియోగించడం వల్ల అనేక ఆరోగ్య ప్రయోజనాలుంటాయి. అవేమిటో ఇప్పుడు తెలుసుకుందాం.
1. రక్త హీనత: కరివేపాకు ఐరన్ మరియు ఫోలిక్ ఆసిడ్ లను పుష్కలంగా కలిగి ఉండటం వల్ల రక్తహీనత ను తగ్గించడంలో సహకరిస్తుంది. కరివేపాకు చర్మం సంరక్షణకు సహాయపడుతుంది.
2. జీర్ణక్రియ: కరివేపాకు జీర్ణక్రియకు సహాయపడుతుంది మరియు ఉబ్బరం, గ్యాస్ మరియు మలబద్ధకం వంటి అజీర్ణ లక్షణాలను తగ్గిస్తుంది.
3. కొలెస్ట్రాల్: కరివేపాకు రక్తంలో కొలెస్ట్రాల్ స్థాయిలను తగ్గిస్తుంది, గుండె జబ్బుల ప్రమాదాన్ని సమర్థవంతంగా తగ్గిస్తుంది.
4. బ్లడ్ షుగర్ నియంత్రణ: కరివేపాకు రక్తంలో చక్కెర స్థాయిలపై సానుకూల ప్రభావాన్ని చూపుతుందని మరియు మధుమేహం ఉన్నవారికి ఉపయోగకరంగా ఉండవచ్చు.
5. యాంటీ ఆక్సిడెంట్ లక్షణాలు: కరివేపాకులో యాంటీ ఆక్సిడెంట్లు పుష్కలంగా ఉండటం వల్ల లుకేమియా, ప్రొస్టేట్ క్యాన్సర్, కొలొరెక్టల్ క్యాన్సర్ల నివారణకు ఉపయోగపడుతుంది.
6. యాంటీ బాక్టీరియల్ గుణాలు: కరివేపాకు రసం లేదా పేస్ట్ బ్యాక్టీరియా, ఫంగల్ ఇన్ఫెక్షన్లపై ప్రభావ వంతంగా పని చేస్తుంది. కాలిన గాయాలు, తెగిన గాయాలు, చర్మంపై దురదలు తగ్గించడానికి ఉపయోపడటం ద్వారా కరివేపాకు మంచి ఔషదం అని తేలింది.
7. యాంటీ ఇన్‌ఫ్లమేటరీ: కరివేపాకులో యాంటీ ఇన్‌ఫ్లమేటరీ లక్షణాలు ఉన్నాయి, ఇవి ఆర్థరైటిస్ వంటి రోగ లక్షణాలను తగ్గించడంలో సహాయపడతాయి.
8. మెరుగైన కంటి చూపు: కరివేపాకులో ఉండే విటమిన్-A కంటి చూపును మెరుగుపరుస్తుంది.
9. డయేరియా నివారణ: కరివేపాకులో ఉండే కార్బజోల్ ఆల్కలోయిడ్లు అతిసారాన్ని నివారించవచ్చని చెబుతారు.
10. టాక్సిన్ల తొలగింపు: కరివేపాకును తరచుగా తినడం వల్ల శరీరంలోని టాక్సిన్స్‌ తొలగిపోతాయి.
11. కిడ్నీ ప్రక్షాళన: కరివేపాకు రసాన్ని తాగితే మూత్రపిండ సమస్యలు ఉండవని నిపుణులు చెబుతున్నారు.